Qendra “Gratë në Shërbim Publik” është një qendër që operon në shoqërinë civile. Është organizëm i pavarur, i lirë, jo-fitimprurës, jo-qeveritar me kohëzgjatje të pacaktuar, e cila ka si qëllim : - Inkurajimi, nxitja dhe fuqizimi ekonomik,social,kulturor dhe politik i grave e vajzave shqiptare, per tu bëre pjesë e drejtimit në të gjitha sferat e jetës publike, si në administratë publike, politikë, ekonomi, biznes, bujqësi, media, ushtri, shoqëri civile etj si dhe fuqizimi nëpërmjet edukimit dhe aftësimit profesional. - Integrimi i vendit në BE, Reforma në Drejtësi, lufta kundër korrupsionit dhe forcimi i rolit të gruas shqiptare në këto procese. - Shteti i së drejtës, qeverisja e mirë, respektimi i të drejtave të njeriut si dhe rritja e aktivizimit dhe pjesëmarrjes qytetare sidomos në qeverisjen vendore. - Shërbimi publik, aksesi në informacion, shëndeti mendor në punë, menaxhimi i konflikteve, përmirësimi i shërbimeve dhe Kodit të Etikës. - Monitorimi, raportimi dhe publikimi i gjetjeve të respektimit të Kodit Zgjedhor gjatë fushatave elektorale. Nxitjen dhe bashkëpunimin me organizata të tjera brenda dhe jashtë Shqipërisë, të fokusuara në cështjet gjinore, rolin e grave dhe vajzave në zhvillimin, integrimin europian, paqen dhe sigurinë, duke mbështetur dhe inkurajuar bashkëpunimin ndërkufitar, rajonal dhe ndërkombëtar për forcimin e rolit të gruas në integrimin europian, politikë, biznes, shoqëri civile, arsim, media, ushtri, art, kulturë, sport, zhvillim rural, mjedis, pushtet lokal, parandalimi dhe lufta ndaj dhunës me bazë gjinore si dhe diskriminimi, për një Rajon të stabilizuar dhe të qëndrueshëm.